पोलीस निरीक्षक सागर ढिकले यांच्या हस्तेमानाची आरती
नेवासा : बुधवारी एकादशी निमित्त श्री संत ज्ञानेश्वर महाराज मंदिरात सायंकाळी सहा वाजता पवित्र पैस खांबाची महाआरती मोठ्या भक्तिमय वातावरणात संपन्न झाली.
या महाआरतीचा मान नेवासा पोलीस स्टेशनचे प्रमुख पोलीस निरीक्षक सागर ढिकले यांना देण्यात आला होता व यांच्या शुभहस्ते पूजा व आरती करण्यात आली. यावेळी पोलीस कर्मचारी अजय साठे, बाबासाहेब वाघमोडे, संजय माने व संदीप बर्डे उपस्थित होते.
महाआरतीनंतर अण्णासाहेब जाधव टेलर यांच्या वतीने सुमारे ३० किलो साबुदाणा खिचडीचा प्रसाद भाविकांना वाटप करण्यात आला. मंदिराचे महंत देवीदास बाबा म्हस्के, विश्वस्त मंडळ तसेच मंदिराचे संपर्क अधिकारी आशिष कावरे यांच्या हस्ते उपस्थित मान्यवरांचा सत्कार करण्यात आले.
महंत देवीदास महाराज म्हस्के यांच्या मार्गदर्शनाखाली एकादशी निमित्त सुरू करण्यात आलेल्या महाआरती उपक्रमास भाविकांचा उत्स्फूर्त प्रतिसाद मिळत असून माऊली भक्तांकडून या उपक्रमाचे कौतुक केले जात आहे.
देवस्थानने आरतीचा मान दिल्याबद्दल पोलीस निरीक्षक सागर ढिकले यांनी संस्थांनाचे आभार मानले
