उपाधिक्षक संदीप गोसावी यांची कामगिरी.
-कुकाणा रिसरातील चिलेखनवाडी या पहिल्या रोड मॉडेल व्हीलेज मधील रस्ते मोजणी अभियानातर्गत चिलेखनवाडी -कुकाणा शिव पाणंद रस्ता पूर्ण पणे मोजणीस आज बुधवारी अखेर यश आले.
या अभियानाचा प्रारंभ भूमी अभिलेख नेवासा उपाधिक्षक संदीप गोसावी यांच्या हस्ते करण्यात आला होता. आज बुधवारी सकाळी कुकाणा मंडलाधिकारी तृप्ती साळवे,चिलेखनवाडी सरपंच भाऊसाहेब सावंत चिलेखनवाडी तलाठी प्रियंका चव्हाण, भुकरमापक राहुल शिरसाठ, शिव पाणंद चळवळीचे राज्य अध्यक्ष शरद पवळे उपाध्यक्ष नाथा शिंदे,बाळासाहेब थोरात, अंबादास आव्हाड आदींच्या उपस्थितीत चिलेखनवाडी ते कुकाणा शिव पाणंद रस्ता मोजणी करण्यात आली.
यावेळी संबंधित शेतकरी मोठया संख्येने उपस्थित होते. अशा मोजणीत दोन्ही बाजूचे गट मोजावे लागतात. मोजणी पूर्ण झाल्यानंतर त्याचे रेकॉर्ड तयार करावे लागते. चिलेखनवाडीतील या रस्त्याचे काम रखडले होते मात्र भूमी अभिलेख उपाधीक्षकसंदीप गोसावी यांना ग्रामपंचायत व ग्रामस्थानी मागणी केल्या नंतर या मोजणीला आज अखेर यश आले.
नेवासा भूमी अभिलेख कार्यालयाकडून रस्ते मोजणी अभियान कामे तालुक्यात प्रगतीपथावर असून चिलेखनवाडीत त्यास यश आल्याचे शेत व शिव पाणंद रस्ते चळवळ अभियानाचे नाथा शिंदे यांनी सांगितले.
